വീണ്ടും സോഷ്യൽ മീഡിയയിൽ കയ്യടി നേടി നിത്യാദാസും മകളും.!! രണ്ട് ലുക്കും പൊളിയെന്ന് ആരാധകർ.!!

മലയാള സിനിമാ പ്രേക്ഷകരുടെ ഇഷ്ട നടിമാരിൽ ഒരാളായിരുന്നു നിത്യദാസ്. ചുരുക്കം ചില സിനിമകളിലൂടെ തന്നെ പ്രേക്ഷകരുടെ ഇഷ്ടം നേടിയെടുക്കാൻ താരത്തിന് കഴിഞ്ഞിരുന്നു. പറക്കും തളിക എന്ന സിനിമയിലെ നിത്യയുടെ അഭിനയം ഏറെ പ്രശംസ നേടിയിരുന്നു. ദിലീപിനൊപ്പം അരങ്ങേറ്റം കുറിച്ച നായിക ചുരുങ്ങിയ കാലം കൊണ്ട് തന്നെ മികച്ച നടിയായി തന്നെ പേരെടുത്തു. എന്നാൽ വിവാഹ ശേഷം സിനിമയോട് വിട പറഞ്ഞു. ഈ പറക്കും തളിക എന്ന

ചിത്രത്തിലൂടെയാണ് നിത്യ ദാസിന്റെ സിനിമാ പ്രവേശം. കണ്‍മഷി എന്ന ചിത്രത്തിലെ വേഷവും ശ്രദ്ധേയമായി. വിവാഹ ശേഷമാണ് നിത്യ സീരിയലിലേക്ക് ശ്രദ്ധ കേന്ദ്രീകരിച്ചത്. പിന്നീട് പല പരിപാടികളിലൂടെയും മലയാളികളുടെ മുന്നിലേക്ക് വീണ്ടും എത്തി. പഴയതിലും ചുറുചുറുക്കോടെ നിത്യ പ്രത്യക്ഷപ്പെട്ടപ്പോൾ ഇരുകൈയും നീട്ടിയാണ് പ്രേക്ഷകർ സ്വീകരിച്ചത്. ഇപ്പോൾ മിനിസ്ക്രീനിലും നിറഞ്ഞുനിൽക്കുകയാണ് താരം.

സോഷ്യൽ മീഡിയയിൽ സജീവമായ താരം പങ്കുവയ്ക്കുന്ന വീഡിയോകൾ ഒക്കെ തന്നെ വൈറലായി മാറാറുണ്ട്. നിത്യയെ പോലെ തന്നെ ഏറെ ആരാധകരുള്ള കുട്ടിത്താരമായി മാറിയിരിക്കുകയാണ് നിത്യയുടെ മകൾ. ഇരുവരും പങ്കുവയ്ക്കുന്ന റീൽസ് മിനിറ്റുകൾക്കുള്ളിൽ തന്നെ ആരാധകർ എടുക്കാറുണ്ട്. ഏറ്റവും പുതിയതായി സോഷ്യൽ മീഡിയയിൽ പങ്കുവെച്ച റിലീസ് ആണ് ഇപ്പോൾ ചർച്ചയായി മാറിയിരിക്കുന്നത്.

മോഡേൺ വേഷത്തിലും ട്രഡീഷണൽ വേഷത്തിലും പ്രത്യക്ഷപ്പെട്ടിരിക്കുന്ന അമ്മയ്ക്കും മകൾക്കും നിറഞ്ഞ കയ്യടി ആണ് സോഷ്യൽ മീഡിയ നൽകുന്നത്. മോഡേൺ വേഷത്തിൽ കാറിൽ വന്നിറങ്ങുന്ന അമ്മയും മകളും തൊട്ടടുത്ത സെക്കൻഡിൽ ട്രഡീഷണൽ കേരള സാരിയിലേക്ക് മാറുന്നു. നിത്യദാസ് കൂടുതൽ ചെറുപ്പമായി വരികയാണെന്നാണ് ആരാധകർ വീഡിയോ കണ്ട ശേഷം പറയുന്നത്. അമ്മയും മകളും ആയിട്ടല്ല, കൂട്ടുകാരികളെ പോലെയാണ് തോന്നുന്നത് എന്നാണ് മറ്റു ചില ആരാധകർ കമന്റ് ചെയ്തിരിക്കുന്നത്.